Ég er alveg örugglega á topp 10 yfir lötustu bloggara sem til eru og ætla að stórefast um að ég fari að lagast eitthvað!

Margt búið að gerast síðan síðast.....misskemmtilegt en gerðist engu að síður.

Fórum í ofsalega vel heppnaða ferð til Búlgaríu. Soldið heitt en maður er nú hörkutól þannig að það skemmdi ekkert ferðina. Ég allavegna mæli alveg með Golden Sands, þar sem við vorum, til að liggja í sólbaði með Pina Colada eða öl.

Eftir Búlgaríu skelltum við okkur á Reyðarfjörð og vorum þar í viku. Það var voða ljúft og brjálað að gera í heimsóknum. Man þegar ég bjó fyrir austan að þá var alltaf brjálað að gera þegar maður skrapp til Reykjavíkur til að komast yfir allt sem maður ætlaði að gera og slakaði svo á þegar maður kom austur aftur, en nú er þetta alveg öfugt. Þvílík afslöppun að koma suður aftur......home sweet home! En alltaf gott að koma austur samt

Toyotan dáin....blessuð sé minning hennar. Ekkert smá erfitt að skilja hana eftir á partasölu En svona er þetta bara.....búin að gera sitt gagn þessi rúmu níu ár sem ég átti hana. Þannig að núna er það bara strætó á morgnanna og satt best að segja finnst mér það bara assskoti fínt. Ekkert að spá í þessa umferð á morgnanna.....hentar mér ágætlega!

Lenti í mínum fyrsta árekstri í ágúst......á bílnum hans Tryggva Keyrt aftan á mig og eyðilagði stuðarann og pústið. En það er búið að laga það, þannig að Hondan er eins og ný núna!!!

Svo náði ég að eyðileggja sófasettið okkar svo við þurftum að kaupa nýtt. Og þá langaði mig auðvitað í nýjan sjónvarpsskáp líka, þannig að því var reddað daginn eftir!! Þannig að íbúðin okkar er orðin ofsalega flott.....verðið bara að kíkja í heimsókn ef þið viljið sjá

Þannig að það hefur verið nóg að gera síðustu mánuði hjá mér að skemma ýmislegt í kringum mig..... og þetta er sko fyrir utan ónýta klósettkassann og dvd spilarann!! Og til að kóróna þetta allt saman át hraðbankinn debetkortið mitt um helgina og það er víst bara á rúntinum um borgina og erfitt að nálgast það. Kæmi mér ekki á óvart að það endaði í útibúinu mínu....sem er á Reyðarfirði!!

En ætla að láta þetta duga í bili.......

Kv. Helena sem efast um að hún fari að vera heppnari!!

Of langt síðan síðasta blogg var skrifað....en svona er þetta bara!

Skólinn sem sagt búinn og gekk voða vel í prófunum og verkefnunum. Aðeins ein önn eftir af þessum skóla eða ég vona það allavegna!

Ferðin til Kaupmannahafnar var æðisleg og pottþétt að ég fer þangað aftur. Yndisleg borg. Gæti alveg vanist því að fá mér bjór í morgunmat!! Verslaði aðeins of mikið.....kortið rétt að kólna núna! Röltum mikið um og skoðuðum okkur um og fórum að sjálfsögðu í tívolí. Rættist þar 18 ára gamall draumur að fara í rússíbana sem fer á hvolf og það var baaara geggjað.

Nú fer að líða að langþráðu ferðinni okkar Tryggva til Búlgaríu. Aðeins tíu dagar Búin að vera rosa dugleg að nota sólina síðustu vikur og fá smá lit á mig. Reyndar að brenna líka Tryggvi notaði ekki eins marga sólardaga og ég en er samt sem áður kominn með ágætis forskot hvað litarhátt varðar. Hvar er réttlætið við það??!!! En þetta verður yndisleg ferð og verður sko slakað á þessar tvær vikur. Svo þegar við lendum heima aftur verður brunað beint austur og chillað þar í viku eða svo. Þannig að við ættum að vera orðin úthvíld og fín þegar næsta (og mín síðasta) skólatörn byrjar.

En ætla að láta þetta duga í bili. Læt frétta af mér eftir sumarfríið.....vonandi fyrir jól!

Jææææja!

Jólin eru víst komin....og farin! Langt liðið á árið 2007.....og ætla ekkert að lofa neinu bloggi fyrir næstu jól! Ef það kemur verður það bara bónus.

Allavegna er ég orðin ofsalega löt að skrifa eitthvað hérna inn.....en alls ekki sú latasta í bransanum. Veit um einn sem hefur ekki bloggað síðan í júlí! En mér var bent á það í vikunni að ef ég færi ekki að gera eitthvað í mínum málum hérna inni þá yrði ég fjarðlægð af linkalistanum hjá henni Er ekki þekkt fyrir það að taka einhverja sjensa sko!!

Anyway.....þá er víst komið nýtt ár. Fór austur um jólin og var í borginni um áramótin. Það var rosalega fínt.....MJÖÖÖÖÖG margir flugeldar.....næstum eins mikið og á Reyðarfirði!! hehe

 Svo stefnir allt í ferðasumar í ár. Búin að bóka tvær ferðar út. Fyrri ferðin verður núna í maí eftir prófin. Þá ætlum ég, mamma, Guðný og Eydís að skella okkur helgarferð til Köben og slæpast. Eina markmiðið mitt með þeirri ferð er að fara í tívolí, rölta í rólegheitum í búðir og sötra bjór.

Seinni ferðin verður um miðjan júlí, en þá ætlum við hjónaleysin að skella okkur til Búlgaríu í tvær vikur. Ofsalega held ég að verði gaman hjá Tryggva mínum að hlusta á vælið í mér þegar ég fer að brenna og hætti að ná andanum fyrir hita!! Er orðin ómöguleg hérna á svölunum í Breiðholtinu á sumrin og ætla að leyfa mér að halda að það verði örlítið hlýrra í Búlgaríu. En reyndar er strönd þar og loftkæling sem við höfum ekki í Breiðholtinu! Þannig að ég efast ekki um að þetta verður allt í góðu.

Annars er bara allt voða gott að frétta.....við hittumst hérna á hlaupum seint á kvöldin, annars erum við bara í skólanum og vinnunni. En við allavegna fáum ekki leið á hvort öðru á meðan.

En ætla að fara að hætta þessu í bili.....en ég stefni svo sannarlega á að segja eitthvað sniðugt hérna aftur á þessu ári

Jæja....ákvað að henda inn smá færslu fyrir jólin!

Það er búið að vera nóg að gera síðustu daga og vikur. Verkefnavinna á fullu og prófin þar á eftir. Það verður yndislegt þegar þetta tekur enda og maður kemst í jólafrí.

Er núna flutt í Breiðholtið og búin að tæma og skila íbúðinni í Otrateignum. Búin að vera ótrúlega dugleg að henda dóti, en samt nóg af dóti sem ég fór með til Tryggva. Þannig að hann þurfti að henda álíka miklu úr geymslunni hjá sér svo dótið mitt kæmist fyrir einhversstaðar! Hehehe En þetta er allt að smella og verður jólafríið notað til að koma sér endanlega fyrir.

Um helgina skelltum við okkur á árshátíð hjá Alcan og hef ég sjaldan fengið svona ofsalega góðan mat. Mmmmm.  Dádýrasteik í aðalrétt og vá hvað það er gott kjöt. Eftir árshátíð enduðum við á papaballi á Players og það var ofsafínn endir á frábæru kvöldi!

Vil svo enda á því að óska Hjördísi og Kalla til hamingju með dömuna sína sem fæddist 4. nóvember. Bíð spennt eftir því að sjá prinsessuna

Og svo þennan sama dag fékk litli prinsinn hjá Ölmu og Alla nafn og heitir hann Nóel Darri......og ekki nóg með að hann hafi fengið þetta fallega nafn, þá giftu foreldrarnir sig í leiðinni Innilega til hamingju með það Alma og Alli

En nóg í bili......læt kannski heyra í mér fyrir jólin aftur.....

Þangað til hafið það rosa gott

Kv. úr Breiðholtinu

Já það er sko búið að vera nóg að gera síðustu daga. Fórum á æðislega tónleika í Laugardalshöllinni á laugardaginn. Þar tróð upp sjálfur Björgvin Halldórsson ásamt Sinfóníuhljómsveit Íslands og Karlakórnum Fóstbræðrum. Þetta var vægast sagt æðislegir tónleikar og hefði ég alveg vilja sjá þá aftur.

Eftir tónleika var Alcan með afmælisboð fyrir starfsfólkið sitt og þar var tónlist, snittur, léttvín og bjór á boðstólnum. Mjög veglegt og flott. Við klikkuðum á myndavélinni, en fundum samt mynd af okkur hjónaleysunum á netinu....

Þarf varla að taka það fram að þetta kvöld endaði með djammi fram eftir morgni…..!!!

Svo í dag fórum við æðislegan rúnt á Þingvelli í yndislegu veðri og glampandi sól! Ótrúlegt veður í enduðum september. Svo eins og alvöru fjölskyldufólki sæmir þá fundum við okkur bekk við vatnið og drógum upp nestið sem var með í för og vorum nýfarin að gæða okkur á því….þá fengum við mjög skemmtilega gesti!

 Jebb…..þrjár endur syntu upp úr vatninu og beint til okkar…..og átu mestan partinn af nestinu okkar! hehe

En ekki að við hefðum séð eftir því.....langt frá því! Ráðlegg bara öllum sem ætla að setjast við Þingvallarvatn að koma við í Bónus og kaupa almennilegt brauð til að gefa þessum greyjum, því við vitum ekki alveg ennþá hvernig tebollur fara í svona andagrey!!!   

Jæja....það er víst kominn tími á smá blogg sýnist mér.

Annar dagurinn er sem sagt búinn á Hrafnistu og gott betur en það.....sumarið er víst búið og skólinn byrjaður aftur.

Þetta sumar er búið að vera yndislegt....get voða lítið annað sagt. Búin að vera með annan fótinn mest upp í Breiðholti hjá Tryggva mínum og við búin að flakka smá um landið. Fórum aðeins austur og skelltum okkur svo í sumarbústað eina helgi....og það var æði. Legið í heitum potti með bjór....hefði alveg getað tileinkað mér það í fleiri daga....jafnvel vikur.

Svo var líka nóg að gera í veislum og hátíðum! Það sem var á dagskrá var sem sagt: Þrjú brúðkaup, tvær skírnir, ein útskrift, tvær ættarútilegur og stórafmæli. Því miður komst maður ekki í allt.....en þar sem maður mætti var sko heldur betur stuð!

Og svo er það bara skólinn þessa dagana og komast inn í það sem þarf að læra þar. Þetta er allt að koma.....vonandi. Og svo vinna smá með....þannig að ég hef ekkert slitið mig frá gamla fólkinu ennþá.

En ég veit svei mér þá ekki hvað ég á að segja meira.....og lofa ekki að vera eitthvað duglegri við þetta.....en ég lofa að það kemur allavegna ein færsla fyrir jól!

Þangað til næst......

Jæja! Þá er fyrsti vinnudagurinn á Hrafnistu búinn og þetta leggst bara ágætlega í mig. Mikið að læra en mjög spennandi samt sem áður.

Undanfarin vika hefur verið mjög róleg og náði held ég toppnum í leti og afslöppun. Fór í keilu á sunnudaginn og það var æðislegt. Þriðja skiptið um ævina sem ég prufa þetta skemmtilega sport. Og gekk svona asskoti vel.....mun betur heldur en í pool þarna um árið! Náði sjö fellum í fjórum leikjum og var það töluvert meira en snillingarnir sem ég var með geta sagt!   Og ekki er hægt að segja að maður sé í mikilli æfingu, því ég er með harðsperrur í vöðvum sem ég vissi hreinlega ekki að væru til.....en gott að vita það núna!!

Svo var prufað pool líka og þythokkí. Og ég hélt kúlunum á borðinu allan tímann í pool og tapaði ekkert voðalega stórt.....en tapaði samt!

En annars er lítið að frétta......eurovision framundan og svo að sjálfsögðu kosningahelgi

En nóg í bili.....ætla að fara að gera eitthvað gáfulegt.....

Kv. Helena sem finnur pottþétt eitthvað gáfulegt að gera!!

Jæja.....þá eru prófin búin og komið að því að gera vorþrifin á heimilinu!!!Víííí´

Ekki að það sé eitthvað brjálað verk í 40 fermetra íbúð, en engu að síður ógeðslega leiðinlegt. Kannski bjór sem gæti bjargað því! Sem sagt gert þetta skemmtilegra....hann þrífur ekki fyrir mig!

En eins og ég sagði þá er skólinn bara að taka enda og byrjar daman að vinna í næstu viku. Það leggst bara ágætlega í mig, en alltaf samt pínu fríkí að byrja á nýjum stað og vita ekkert í sinn haus. Ekki að ég viti það yfirleitt samt sem áður!!

Lítið að gerast samt í lífinu hjá mér, er mest ekki heima hjá mér og ætla að fá mér grillmat og áfengi á laugardagskvöld og liggja í algjörri afslöppun á sunnudaginn

Alltaf þegar ég byrja að skrifa eitthvað hérna er ég með haus fullan af meinfyndnum hugmyndum, en um leið og ég er byrjuð að skrifa þá man ég ekki neitt og verð ekkert fyndin! Ætli þetta séu bara raddirnar í hausnum á mér sem hljóma svona fyndnar!!   Maður spyr sig allavegna!

Þannig að þetta auma blogg verður bara að duga í bili, skrifa vonandi eitthvað fljótlega....ef ég hef tíma! Er þessi upptekna týpa......aha

Kv. Helena sem er á fullu.....alltaf.....allsstaðar!!!

Jæja þetta gengur víst ekki lengur.....kominn rúmur mánuður síðan ég skrifaði hérna síðast. Sumir halda kannski núna að ég hafi ekki látið fjölskylduna á Selfossi í friði en ég er ekki búin að vera alveg svo slæm.....en samt búin að fara þangað nokkrum sinnum sko! hehehe

Páskarnir á enda og ofsa ljúft frí. Legið á Selfossi allan tímann fyrir utan tvær skírnarveislur....þá var bara legið í kökum!

Voða lítið að frétta eins og alltaf. Styttist í prófin og sumarfríið að fara að skella á. Er búin að fá vinnu í sumar. Ætla að prufa að búa í borginni í sumar líka og er búin að fá vinnu á Hrafnistu. Er voða spennt að prufa það að vinna með gamla fólkinu og leggst sumarið rosalega vel í mig. Stutt í vinnuna og svo bara legið á svölunum hjá Díönu á frídögum með bjór í sólbaði!!

Ætla ekki að skrifa neitt meira í bili.....en lofa því að skrifa fyrr næst!

Hafið það gott allir saman

Já elskurnar mínar!

Ef það er ekki tilefni í blogg núna, þá er aldrei tilefni í blogg get ég sagt ykkur! Vaknaði við þær gleðifréttir í morgun að það væri fædd lítil stelpa hjá Guðnýju systir og Bjarna! Til hamingju kæra fjölskylda með litla krílið!

Búin að kíkja á snúlluna og úfff......fólk hélt kannski að kirkjuklukkurnar á Selfossi væru að hringja, en nei.....leiðréttist hér með! Þetta voru eggjastokkarnir í Helenu!!! Algjört yndi þessi litla snúlla og á ég örugglega eftir að halda mikið til á Selfossi næstu mánuði!!! hehehe

En ætla ekki að hafa þetta lengra....hafið það sem allra best allir saman og innilega til hamingju aftur kæra fjölskylda

Heil og sæl!

Alltaf eitthvað nýtt.....núna er búið að “næla” í mig!!! Margir myndu þá vona að einhver karlmaður hefði gert það en nei, ekki alveg svo gott! Svampurinn skellti enn einum bloggleiknum á mig og hér er niðurstaðan.........

4 sjónvarpsþættir sem ég elska að glápa á:

The Simpsons

Friends

Footballers wifes

Mile high

4 kvikmyndir sem ég get horft á aftur & aftur:

Dirty dancing

Shrek 1 og 2

Annie

Gossip

4 heimasíður sem ég dinglast inná daglega:

Kíkji á allar bloggsíður hjá fólki sem ég þekki!!

khi.is

mbl.is

visir.is

4 uppáhaldsmáltíðir:

Tómatsúpan hjá Svampinum

Grænmetislasagne hjá Díönu

Pastarétturinn minn

Svið með kekkjóttri kartöflumús hjá mömmu

4 geisladiskar sem ég get hlustað á aftur & aftur:

James Blunt

R.E.M.

Alanis Morrisette

Heimatilbúni diskurinn minn

4 sem ég “næli” í :

Kristjana

Eydís

Sóley

Freydís

Jæja þá er það búið og þið fjórar bara góða skemmtun......segið svo að ég hugsi ekki til ykkar

Af mér er voða lítið að frétta.....like always! Er byrjuð í vettvangsnámi og er á æðislegum leikskóla.....draumaleikskólinn held ég bara. Nóg að gera í verkefnavinnu og eiginlega meira en það!!!

Ætla að slappa af á Selfossi um helgina og hlakka mikið til þess.....jafnvel planið að skella sér í ríkið og kaupa sér smá bjór til að sötra annað kvöldið.

Óska ykkur bara góðrar helgar og hafið það ofsa gott

Hei hei!

Hef aldrei neitt að segja þessa dagana og það er víst eins í dag.

Er að kafna úr leti.....og langar alltaf í bjór! Veit ekki hvernig þetta endar eiginlega! hehehe

Er að byrja í vettvangsnámi í fyrramálið og er mjög kvíðin fyrir því.....MJÖG!!!

Mig langar á þorrablót, vera blindfull, borða þorramat og dansa.....en það verður víst að bíða þar til á næsta ári......og þá verður sko tekið á því get ég sagt ykkur!!! hehe

En eins og ég sagði áðan þá hef ég ekkert að segja.....nema eitt orð í viðbót!!!

Atli!! hehehehe

Heil og sæl....

Það sem er helst að frétta af mér núna er að ég hef það bara óskaplega gott miðað við það að það er snjór úti....ennþá!

Helgin alveg æðisleg....langt síðan ég hef átt svona góða helgi held ég bara. Á föstudagskvöldið fór ég í þorramat á Selfoss til Guðnýjar systur og fjölskyldu. Leist ekkert sérstaklega mikið á blikuna þegar ég fór út frá henni um tíu leytið því það hafði sem sagt rignt hálku á meðan ég var hjá henni í mat.  Og þegar ég tala um að það hafi rignt hálku, þá er ég ekkert að ýkja það neitt.....það var svell á bílnum mínum og ekkert grín að skafa það af!!! En það hafðist samt sem áður! Svo brunaði ég til Reykjavíkur aftur og beint til Díönu og Atla. Var varla komin inn úr dyrunum þar þegar ég var komin með bjór og viskýglas!! Mmmmmmm

Við sem sagt skelltum okkur í bæinn og dönsuðum heil ósköp. Fórum á "ball" með hljómsveit sem heitir Sólon.....ofsalega hress og skemmtileg hljómsveit. Hann Ásgeir vinur minn er söngvari í þessari hljómsveit og á ég pottþétt eftir að fara aftur á skemmtun með þeim!!!

Á laugardeginum var heilsan bara alveg óvenjugóð! Smellti mér á kaffihús fljótlega upp úr hádegi....svo var bara chillað um bæinn eftir það og endað í kósýkvöldi fyrir framan sjónvarpið með popp í skál.....alveg yndislegt

Skólinn gengur bara sinn vanagang....vettvangsnám í næstu viku   ó boy ó boy hvað ég kvíði fyrir því! En það verður vonandi bara fínt samt sem áður!!! Páskarnir verða komnir áður en maður veit af......

Veit ekki alveg hvað ég get sagt meira....nema það að það er komin ný skoðanakönnun og endilega svarið henni samviskusamlega!!!! Er mjög forvitin um þetta efni!!

En  þangað til næst.....hafið það ofsa gott.....ég ætla allavegna að gera það!!!

Jæja jæja.....er ekki kominn tími til að segja eitthvað hérna inni!

Vil ég nú byrja á því að óska öllum gleðilegs árs. Vona að allir hafi haft það þokkalegt yfir hátíðarnar Allavegna hafði ég það ofsalega ljúft og konfektið klikkaði ekki í ár frekar en áður

Ég er sem sagt komin í borgina aftur sem er alveg ágætt bara. Skólinn byrjar á fullu á morgun og verður það bara fínt að fá einhverja fasta rútínu í lífið aftur. Búin að slá eigið Evrópumet í svefni og leti á þessum dögum sem ég er búin að vera í bænum! Nokkuð vel af sér vikið.....og þurfti ekkert að hafa neitt sérstaklega mikið fyrir því!

Hef nákvæmlega ekkert að segja núna.....nema jú....ég er komin með video tæki Lalli frændi var svona elskulegur að lána mér gamla tækið sitt. Þannig að nú er legið upp í sófa og dregnar fram allar hugsanlegar videospólur til að horfa á. Náði til dæmis að horfa á allt Nonna og Manna safnið í gær Sem var bara mjög skemmtilegt.....hvort sem þið trúið því eða ekki!

Þangað til næst.......

Jæja kæru vinir!!!

Er ekki komin tími á smá skrif hérna í tilefni jólanna.....svei mér þá!

Ég er sem sagt komin heim og er það bara alveg ágætt. Byrjaði að vinna á leikskólanum um leið og ég kom og er það voða ljúft. Fékk samt einhverja flensu um leið og ég kom austur og er bara ennþá eitthvað slöpp en öll að hressast samt sem áður! Hvað er annað hægt í þessu letilífi sem jólin bjóða uppá.

Annars er voða lítið að frétta......maður bara borðar og borðar, leggst svo upp í sófa og sefur smá.....nær sér svo í meiri mat og konfekt að sjálfsögðu og sefur svo aðeins meira! Ótrúlegt líf.

Hér á heimilinu var möndlugrautur á aðfangadag eins og alltaf og ég hef ekki fengið möndluna í mörg mörg ár. Man hreinlega ekki hvenær það gerðist síðast! En í gær þá tók ég það sem sagt að mér að ausa grautnum á diskana.....!!! Og viti menn.....mandlan var komin í munninn ótrúlega snemma. Og ég ætlaði nú að halda kúlinu og fela möndluna í munninum í smá stund til að viðhalda spennunni, en hefði kannski átt að sleppa því! Hún hrökk oní mig um leið og þar með hafði ég ekkert sönnunargagn um það að ég hefði fengið hana!!! Ótrúlegt alveg hreint!! hehe En foreldrar mínir sáu þegar ég setti hana á diskinn minn þannig að þau báru vitni um það að ég væri að segja satt!! En ég kem ekki til með að reyna að halda kúlinu oftar í möndluleik.....ef hún birtist þá nokkuð aftur hjá mér!! hehehe

En ég hef svo sem ekkert að segja....hef það bara voða gott í rólegheitum og vonandi verður það bara þannig áfram út árið!

Og þar sem ég sendi engin jólakort í ár óska ég öllum gleðilegra jóla og hafið það sem allra best yfir hátíðarnar